Óheppni

Það á ekki af manni að ganga, þvílík óheppni, vona þetta reynist ekki rétt. Væri mikið áfall fyrir West Ham og leikmaninn :(

Dyer fótbrotinn?

Eyjólfur á að taka pokann

Algerlega reynslulaus í þjálfun. Menn göptu þegar hann var ráðinn í stöðu landsliðsþjálfara og fannst mörgum logandi klíkulykt af þeirri ráðningu. Íslenska landsliðið í fótbolta hefur sjaldan eða aldrei verið slakara og jafntefli á heimavelli gegn....Kanada ? er þetta í alvöru ásættanlegt ? Sem þjálfari með metnað á hann að vera fúll í leikslok og tala um hluti sem eru alls ekki lagi eins og fjölda missheppnaðra sendinga, einbeitingarleysi og áhugaleysi.

Eyjólfur er drengur hin vænsti, allir sammála um það mér finnst öll tækifæri löngu búin það sýndi sig í  þessum leik. Eyjólfur ætti að ná sér í meiri reynslu með almennri þjálfun í deildinni eða erlendis, kannski koma svo kannski aftur.

Mig langar að sjá Ísland keppa í HM eða EM áður en ég fell frá, gamall draumur kannski, hann verður ekki að veruleika með Eyjólf það er staðreynd, afhverju ekki að drífa annan þjálfara í verkefnið sem veldur því betur, árangurinn talar í ísköldum staðreyndum sem ekki er hægt að forðast með því að mæta í blaðaviðtöl eftir leiki eins og ekkert hafi í skorist og tala um fjölda Íslendinga og óraunhæfar væntingar gersamlega óþolandi að mínum mati, ég vil hafa metnað í þessu.

Eyjólfur:„Mikil samkeppni um að komast í landsliðið“

Fyrirmyndir barnanna ???

Þúsundir kornungra knattspyrnumanna fylgjast spenntir með fyrirmyndum sínum spila knattspyrnu sem á að heita í hæsta gæðaflokki á Íslandi. Svona uppákoma eins sást á vellinum þarna er algerlega til háborinnar skammar fyrir annars örugglega ágæta menn. Að missa svona gersamlega stjórn á aðstæðum er vítavert athæfi og ég á ekki til orð yfir þetta. Lögreglufylgd og að elta menn í búningsherbergi er þetta sem menn vilja í Íslenska knattspyrnu ? Ég bara spyr ? Viljum við sjá svona uppákomur í leikjum ungra drengja ?

Mér er nokkuð sama hvort þetta var viljandi gert hjá Bjarna eður ei, sem gamall markmaður finnst mér þetta meira en lítið neyðarlegt fyrir annars ágætan markmann Keflvíkinga sem hefði auðveldlega átt að getað kýlt þennan bolta yfir. Tæklingin var augljóslega hefndarárás og leikmanni til minnkunar, reyndar fannst mér hegðun nokkura leikmanna Keflvíkinga þeirra félagi til minnkunar og vonandi að félagið sjálft taki á þessu máli innan félagsins.

Tek fram að ég er á engan hátt stuðningsmaður hvorugs félags en fannst rétt að tjá mína skoðun á málinu.

Bjarni þurfti lögreglufylgd

Hvar gagnrýnendur seðlabankans núna ?

Stutt er síðan Davíð Oddsson og Seðlabankinn fengu á sig harða gagnrýni fyrir að aðgerðir þeirra í efnahagsmálum væri ekki að skila neinu. Verðbólgan fer hríðlækkandi og sem sýnir að Dabbi og félagar eru á hárréttri leið. Næstu skref eftir þessa kælingu hagkerfisins er að lækka vexti í ró og næði allt horfir þetta nú til betri vegar sýnist manni og bjartir tímar framundan.

Landsbankinn spáir 0,1% lækkun vísitölu neysluverðs

Suðurlandsvegur

Sat fund í heimbæ mínum nú rétt fyrir kosningar á hótel Selfossi. Þar voru heimastjórnarmenn ásamt þingmanni okkar og ráðherra Árna Matt. og Þór Sigfússyni forstjóra Sjóvá. Þar voru kynntar áætlanir ríkisstjórnarinnar um 2+2 veg í einkaframkvæmd. Samkvæmt því sem þar kom fram á að klára veginn á næstu 4 árum og reyna ljúka honum 2009-2010.

Vegagerðin á að útbúa þríþætt útboð og einkaframkvæmdin nær til hönnun (tillögur), lagning og fjármögnun. Þarna voru tímaætlanir sem Þór kynnti og hann treysti sér til að ljúka við veginn til Selfossar í lok árs 2009, gefið að málið yrði unnið hratt að hálfu ríkisins (vegagerðarinnar). Ég fór fullur bjartsýni af þessum fundi og trúi því og treysti að Árni beiti sér að fullu í málinu, ekki skemmir fyrir að Björgvin sé komin í ráðherraliðið. Vitum alveg hvar hann stendur í þessu máli.

Þetta er hræðilegt slys og við vitum öll að með betri vegi er hægt að fækka og eyða út svona slysum.

Tími einkarekstar er runnin upp.

Loksins loksins verður stokkað upp í heilbrigðiskerfinu og einkarekstri gefið tækifæri (ath. til allra vinstri græna þetta þýðir ekki einkavæðing). Ég treysti Guðlaugi klárlega fyrir þessu verkefni og óska honum alls hins besta og til hamingju með nýja embættið. Einkarekstrarformið hefur fyrir löngu sannað sig, ég nefni nokkur dæmi í heilbrigðisgeiranum:

- Sóltún (ein besta öldurnarþjónusta á landinu)

- Orkuhúsið (stoðþjónusta á heimsmælikvarða)

- Heilsugæslustöðin fyrir Linda og Salahverfi (frábær þjónusta og til fyrirmyndar í geiranum)

Til að útskýra þá þýðir einkarekstur rekstur sem ríkið borgar.

Fyrsti sjálfstæðismaðurinn í heilbrigðisráðuneytinu í 20 ár

Sterk stjórn

Þessi stjórn er allavega sterk og með mikið atvæðamagn á bakvið sig. Maður spyr samt hvort þetta samstarf geti orðið jafn sterkt og fyrrverandi stjórn þar sem mikið hefur gengið á milli þessara flokka. Ég er þó bjarsýnn og ætla að spá að þessi stjórn verði mikil umbótastjórn. Málaefnasamningurinn lofar góðu og ég hjó eftir skattalækkunum í formi hækkunar á persónuafslátt, niðurfellingu á stimpilgjaldi sem auðveldar yngra fólki að kaupa sér fyrstu íbúð ásamt umbótum í þágu aldraða.

Samgöngumál var líka kosningamál og tvöföldum vega út frá Reykjavik ásamt Sundabraut eru forgangsverkefni og gaman að sjá hversu fljótt þessi stjórn getur klárað þessi verkefni. Þetta er í grófum dráttum loforðin og ég hlakka til að keyra 2+2 veg heim á Selfoss og Amma fái viðeigandi þjónustu og lífeyrir á sínum síðustu árum.

Ný ríkisstjórn tekur við völdum

Skutu sig í fótinn sjálfir

Hálf fýlulegt hjá Jóni enda búið að "ræða" málin í marga daga. Framsókanarflokkurinn klúðruðu málinu sjálfir og voru langt frá því að vera samstíga í málinu. Nú er kærastan farin og dugar lítið að væla yfir því. Staðreyndin er hinsvegar sú að framsókn tapaði stórt í kosningunum og súpa nú seyðið af þeirri staðreynd, líklega er þetta það besta fyrir flokkinn til að þétta hanna og styrkja.

 Stjórnarsamstarfið var ánægjulegt að mínum mati og framsókn engan vegin að uppskera skv. þeim uppgangi sem hefur verið í þjóðfélaginu. Veit ekki hvað gerðist en finnst þeir ekki eiga þetta skilið.

 Sjálstæðisflokkurinn á að sjálfsögðu að leiða viðræður enda stærsti flokkurinn með mesta möguleikann á að mynda 2 flokka stjórn, annað er bara fásinna og finns Jón tala í kross þegar hann talar um þriggja flokka stjórn núna.

 Varðandi að ræða við aðra flokka þá er það fullkomlega eðlilegt að leita að "sætustu" stelpunni á ballinu, sýnist framsókn vera orðin ansi þunglamaleg og lítið varið í þessa dagana.

 En auðvitað er þetta skrifað í áhugasemi sem áhorfandi og hef kannski ekki mikla tilfinningu hvað fer manna á milli í þessum viðræðum.

Jón Sigurðsson: Framsóknarmenn geta hugsað sér að Ingibjörg leiði viðræður

Stjórnarandstaðan finnur ekki höggstað í ríkisstjórninni

Allt gott getur orðið betra, en vopn stjórnarandstöðunnar er slegin úr hendum þeim jafnóðum. Mér finnst þau ekkert hafa fram á að færa annað en örvæntingarfullan loforðapakka sem ekkert vit er í. Kjósendur líta yfir farin veg og sjá þá hagsæld og umhverfi sem flokkast undir það besta í heiminum. Gríðarlegur árangur hefur náðst undir forystu sjálfstæðisflokksins og það er skila sér í fylgið hjá þeim. Þar með sannast hið fornkveðna "það eru verkin sem tala"

„Kosningamálin hafa dottið dauð niður"

Miðað við fangavist Bandaríkjamanna ?

Hefur þetta verið hátíð hjá þessum hermönnum, hótum um að sjá aldrei dóttir sína er eitthvað svo lítilfjörlegt miðað við hvernig Bandaríkjamenn fara með sína stríðsfanga. Maður hefur nú horft á margar hollywood myndirnar af Bandaríkjamönnum tekna til fanga í Víetnam og sæta hræðilegum pyntingum og fá mikla samúð frá áhorfendum. Enda mjög margar hollywoodmyndir sponsaðar beint af hernum á einn eða annan hátt. Í dag er það hrein og bein stefna að pynta fanga undir nafninu hryðjuverkamenn og í skjóli lagasetningar texas kúrekana og öfgamannana sem nú stýra öflugasta her í heimi.

Mér fannst ríkisstjórn Breta höndla máli faglega og afþakka hjálp frá USA var skynsamlegt. Að sjálsögðu frábært að fá þessa fanga til baka, en held að þeir hafi aldrei verið í verulegri hættu. Mér finnst þau ættu að fara varlega með yfirlýsingar, þau gætu sett sjálfa sig í hættu miðað við hvernig öfgamenn fyrir austan höndla sín mál. Þetta var allavega engin guantanamo vist hjá þessu fólki :)

Segist hafa sagt Íransforseta til syndanna