Snorri rís úr eldhafinu og fer á kostum

Íslenska hraðlestin fór í gang

Að ég skildi nokkurtímann efast, sorry strákar fyrir að bölva ykkur en ég eins og aðrir vissum að það var miklu miklu meira til í verkfærakistunni og þið týnduð þau öll til í kvöld.

  Takk fyrir að gleðja okkur með þvílíkum snilldarleik að maður leyfði sé að hoppa og dansa í sófanum af gleði og fyllast þjóðastolti og gersamlega gera útaf við fjölskylduna af æsingi og látum.

Snorri það er óhætt að segja að fuglinn Fönix hafi risið uppúr eldhafinu og gersamlega líst ljósi sínu svo skært að Ungverska vörnin gersamlega blindaðist. Snorri þú skoraðir mörk í öllum regnbogans litum og sýndir það og sannaðir að þú átt heima með bestu handboltamönnum heims þrátt fyrir brösótta byrjun í þessu móti.

 Hreiðar dundaði sér við að múra múrsteina fyrir markið því það var engin leið framhjá 200 cm klettingum, einbeita risanum sem spratt fram eins liðamótalaus köttur og át alla bolta sem vantrúaðir Ungverjar reyndu máttlaust að finna leiðir framhjá án nokkurs árangurs.

Óli, já Óli stoðsendingar og mörk sem hæfa meistarleikmanni eins og þér, leiðtogin tók við sér og dró vagninn hjá jafngóðu liði inni vellinum, ef þú ert í 100% lagi fylgja hinir 100% með.

Róbert, þú ert náttulega ekki lagi, hef aldrei séð þvílíkan línumann. Þú hreyfir þig eins og yfirsnúin gormur sem engar hendur festast á, ég veit ekki hvernig þú ferð að þessu en ef sendingar rata á þig þarf engin að efast um að annaðhvort er mark eða víti.

Fúsi, Sverre, Vignir þið bjugguð til setninguna Twin Towers í Íslensku vörnina, skiptuð með ykkur verkum og gersamlega læstuð öllum hurðum í kastalanum, engin leið var fær og Ungverjarnir grétu í krumlum ykkar. Ungverjarnir munu allir gráta sig í svefn bara það eitt að rifja upp andlit ykkar.

Logi mundaði byssurnar og skaut markmann Ungverja uppí stúkur.

Alexander gersamlega fór á kostum í vörn og barráttugleði hans einbeiting minnir á yfirvegaðan meistaraveðhlaupahest sem ávallt kemur fyrstur í mark. Alhliða meistaraleikmaður af bestu gerð.

Hannes tók "gabbhreyfingu" sem skilur eftir sig ringlureið og rifrildi meðal varnamanna andstæðinganna, ekki hægt að stoppa þetta og allir öfunda hann af.

Ásgeir fyllti uppí kastalavörnina með barráttu og frábær hlaup í sókn, alhliða leikmaður sem allt getur.

Guðjón Valur ísmaðurinn fann fjölina sína og lét rigna vonbrigðum sínum á markið og átti sæta hefnd og endukomu. Hann veit það eins og öll þjóðin að hann á heilmikið inni og ef hann spilar eins og í kvöld og jafnvel aðeins betur eiga anstæðingarnir aldrei von.

 Ég vona að ég gleymi engum en leikgleðin og liðsheilding skilaði þessu alla leið.

 Já takk fyrir þessa veislu, ég hlakka til og vona svo sannarlega að réttu konfektmoli komi upp hjá okku á móti Spánverjum, þið sýnduð það í kvöld að ef þið hefður verið í þessu formi alla keppnina hefðum við átt möguleika á góðu verðlaunasæti á þessu móti, en þegar á öllu er á botninn hvolft þá eru það svona leikir sem gerir það að verkum að gaman er að fylgjast með Íslenskum handbolta og það sem hann getur boðið uppá, í blíðu og stríðu styður Íslenska þjóðin ykkur ávallt af fullum krafti.

 Áfram Ísland

 

Stórsigur gegn Ungverjum á EM